على قول المثل سدد وقارب
............تسمع لي ترى بعض المآرب
أبرسل لك على رقمك قصيده
............مدام إن مذهبك بالحب خارب
تبصر زين وأفهم للمعاني
............ولا يلحق على عقلك تضارب
قبل عامين قلت إلك إنتهينا
............ومشاعرنا شكت شح المشارب
تركتك وإنتحى دربي ودربك
............لو إن الشوق يلدغ كـ العقارب
وأشوف اليوم ترجع تتصل بي
............أجل غيبتك هي راحة محارب . . !
تقول إنك ضميت وجف ريقك
............وقلبك جاء من اللوعات هارب
تحسب إني تناسيت الخطايا
............و بسمح لك تربّع فـ المضارب ؟
كسرت العزه إللي تدعيها
............مقص يقص عكفان الشوارب
تحسب إن الجمال اللي ملكته
............يكفـّر عن كثيرات العذارب
نصحتك لا تعالى في جمالك
............بسبة فار حوّل سد مارب
وقبل أختم أبهدي لك وصوفي
............نمت فيني بعد طول التجارب
انا مثل البحر واضح وغامض
............يشيل من البواخر والقوارب
لا هو يجزع ولا يشكي حموله
............يلو تجزع معاويج الغوارب
تحديتك قبل عامين فاتت
............وجاء قلبك من اللوعات هارب
موضوع: ابرسل لك على رقمك قصيده..َ! 
الخميس فبراير 03, 2011 11:17 pm
